#ҳудудлардан_хабарлар

Жорий йилнинг 17-18 июль кунлари Озарбайжоннинг Боку шаҳрида машҳур озарбайжон шоири Бахтиёр Ваҳабзода таваллудининг 100 йиллигига бағишланган халқаро илмий-адабий конференция бўлиб ўтди. Ушбу конференцияда Ўзбекистондан Халқаро Амир Темур жамоат фонди раиси ўринбосари, адабиётшунос олим, профессор Алимбеков Адҳамбек Камалович иштирок этиб, маъруза қилди. Олим ўз нутқида, аввало Бахтиёр Ваҳобзода ижодига тўхталди. Сўнгра икки қардош мамлакатнинг адабий алоқалари бир неча поғона юксалгани ҳақида сўзлаб, Соҳибқирон Амир Темурнинг жаҳон адабиётида тутган ўрни ҳамда Амир Темур тўғрисида ёзилган биринчи асар ҳақида атрофлича маълумот бериб ўтди.

Халқаро Амир Темур жамоат фонди ахборот хизмати