«Амир Темур буюк давлат арбоби, бунёдкор, илм-фан ҳомийси ва буюк саркарда» номли иншолар танловининг финал босқичи бўлиб ўтди
#ҳудудлардан_хабарлар
Соҳибқирон Амир Темур таваллудининг 690 йиллиги олдидан Халқаро Амир Темур жамоат фонди томонидан «Темурбеклар мактаби», «Ёш чегарачилар» мактаби ҳамда Жалолиддин Мангуберди ҳарбий-академик лицейлари ўқувчилари ўртасида «Амир Темур буюк давлат арбоби, бунёдкор, илм-фан ҳомийси ва буюк саркарда» мавзусида ташкил қилинган иншолар танловининг финал босқичи бўлиб ўтди.
Танлов жорий йилнинг 5 декабрь куни Темурийлар тарихи давлат музейи кичик мажлислар залида бўлиб ўтди.
Барча қатнашчилар муносиб тақдирланиб, тадбир сўнгида иштирокчилар ва меҳмонлар учун музей бўйлаб саёҳат уюштирилди.
Халқаро Амир Темур жамоат фонди ахборот хизмати
