Куни кеча Халқаро Амир Темур хайрия жамоат фонди Наманган вилоят бўлими томонидан Наманган шаҳар 66-сонли ихтисослаштирилган мактабда “Амир Темур – Буюк ватанпарвар сиймо” мавзусида маърифий тадбир бўлиб ўтди.

Тадбирни мактабнинг маънавий-маърифий ишлар бўйича директор ўринбосари Қимматхон Бобожонова кириш сўзи билан очиб берди.

Шунингдек, тадбирда сўзга чиққан – Фонднинг Наманган вилояти бўлими бошлиғи Жамолиддин Муслим Амир Темур ҳаёти ва фаолияти, кўрсатган жасоратлари, халқпарварлиги тўғрисидв сўзлади. Ўзбекистон бадиий ижодкорлар уюшмаси аъзоси, фонд фаоли Маҳмуджон Шоқиров эса Амир Темур даврида халқ амалий санъати тимсолида ватан тарихи мавзусида маълумотлар бериб ўтди.

Мактабнинг она тили ва адабиёти фани ўқитувчиси Саидахон Қирғизова тил ва маданият, миллий қадрият асосида ёшларни тарбиялаш хусусида тўхталиб ўтди.

Тадбир иштирокчиларда катта таассурот қолдириб, қизиқарли савол-жавобларга бой тарзда ўтди.

Халқаро Амир Темур хайрия жамоат фонди ахборот хизмати