Самарқанд вилояти Мудофаа ишлари бошқармаси томонидан куни кеча Қуролли Кучлар сафида муддатли ҳарбий хизматни ўташ учун йиғилган ёш аскарларни кузатиш тадбири  бўлиб ўтди.

Тадбирда Халқаро Aмир Темур жамоат фонди Самарқанд вилоят бўлими бошлиғи, Ўзбекистон Ёзувчилар уюшмаси аъзоси Зуҳра Бегим, вилоят «Нуронийлар»  кенгаши раиси ўринбосари Доноқул Тошқулов, вилоят «Фахрийлар» кенгаши раиси Рашид Шеров ва ҳарбийларнинг ота-оналари сўзга чиқиб, ҳарбий хизматни ўташ учун отланган йигитларни табриклаб, оқ йўл тилашди.

Вилоят маданият бўлими хонандалари томонидан куйланган қўшиқлар даврага кўтаринки кайфият бағишлади.

Халқаро Амир Темур жамоат фонди ахборот хизмати