«ЁШ ТЕМУРИЙЛАР» ИЖОДИЙ ТЎГАРАГИ ФАОЛИЯТИДАН
#ҳудудлардан_хабарлар
Жорий йилнинг 3 декабрь куни Халқаро Амир Темур жамоат фондининг Самарқанд вилоят бўлими мажлислар залида «Ёш темурийлар» ижодий тўгарагининг навбатдаги машғулоти бўлиб ўтди.
Машғулотни фонднинг вилоят бўлими бошлиғи, уюшма аъзоси Зуҳра Бегим олиб борди.
Тадбир доирасида ёзувчи Абдуалим Сулаймоновнинг «Амир Темур хазинаси» насрий китобининг тақдимоти ўтказилди. Ижодкорлар китобнинг мазмун-моҳияти ҳақида фикр-мулоҳазаларини билдиришди. Абдуалим Сулаймонов «Амир Темур хазинаси» китобининг ёзилиш тарихи ҳақида тўхталиб, Соҳибқирон Амир Темурнинг авлодларга қолдирган маънавий мероси тўғрисида маълумотлар берди. Ижодкорлар қизиқтирган саволларига жавоб олишди.
