14 январь – Ватан ҳимоячилари куни муносабати билан жорий йилнинг 12 январь куни Халқаро Амир Темур хайрия жамоат фонди Фарғона вилояти бўлими, Чирчиқ шаҳридаги 71201-ҳарбий қисм ва Чирчиқ давлат педогогика университети ҳамкорлигида университет биносида 71201-ҳарбий қисмнинг амалиётдаги қурол-аслаҳалари кўргазмаси бўлиб ўтди.

Кўргазмада Фонднинг Фарғона вилоят бўлими бошлиғи, Фонд фаоллари, университет маъмурияти ва ходимлари, талабалар, ҳарбийлар ва ота оналардан иборат бир неча юз киши иштирок этишди.

Шунингдек тадбирда университет ректори Г.И.Муҳамедов сўзга чиқиб, ҳарбийларни қутлуғ сана билан муборак этди ва келгуси ишларига зафарлар тилади.

Тадбирда сўзга чиққан Фонднинг Фарғона вилояти бўлими бошлиғи Раҳматилла Ҳожиматов барчани тантана билан табриклаб, Соҳибқирон армияси ва бугунги кун армиясини таққослаб ўтди.

Халқаро Амир Темур хайрия жамоат фонди ахборот хизмати