АМИР ТЕМУР МЕРОСИ ВА УЧИНЧИ РЕНЕССАНС
Амир Темур таваллудининг 687 йиллиги олдидан Қашқадарё вилоятига ташриф буюрган Халқаро Амир Темур хайрия жамоат фонди раиси, Ўзбекистон халқ ёзувчиси Муҳаммад Али Аҳмедов ва бир гуруҳ темуршунос олимлар Шаҳрисабз шаҳрида ҳам бўлишишди.
Дастлаб »Темурбеклар мактаби»да »Амир Темур мероси ва учинчи ренессанс» мавзусида конференция ташкил этилди.
Тадбирда сўзга чиққан темуршунос олимлар талабаларга бобокалонимиз Амир Темурнинг нафақат Шаҳрисабздаги, балки Турон заминдаги катта бунёдкорлик ишлари, жаҳон тамаддунида тутган ўрни ҳақида батафсил маълумот бердилар.
Ҳалқаро Амир Темур хайрия жамоат фонди томонидан ёш ҳарбийлар мактабига китоблар совға қилинди.
Меҳмонлар Шаҳрисабзнинг диққатга сазовор жойларини – »Дор ус-сиёдат» мажмуасини, Амир Темурнинг ер ости даҳмасини, Соҳибқироннинг пири Шамсиддин Кулол мақбарасини зиёрат қилишди.
Халқаро Амир Темур хайрия жамоат фонди ахборот хизмати
