Қашқадарёда Зулфияхоним таваллудининг 108 йиллигига бағишланган тадбир бўлиб ўтди
Куни кеча Қашқадарё вилояти Қарши шаҳри Жануби-ғарбий махсус ҳарбий округ бошқарув аппарати кутубхонасида Халқаро Амир Темур жамоат фонди Қашқадарё вилоят бўлими бошлиғи, Ўзбекистон Ёзувчилар уюшмаси Қашқадарё вилояти бўлими раҳбари, Абдиев Ғулом Эгамшукурович бошчилигида вилоят ижодкорлари ва фахрий ҳарбийлари иштирокида Ўзбекистон халқ шоири Зулфияхоним Исроилова таваллудининг 108 йиллиги муносабати билан тадбир бўлиб ўтди.
Унда сўз олганлар шоиранинг ибратли ҳаёт ва ижод йўли ҳақида сўзлашиб, садоқат ва вафо куйчиси бой ижодий мероси ҳақида тўхталиб, шеърларидан намуналар ўқидилар.
Аср юзини кўраётган асарларидаги теран маъно, ҳаётга, гўзалликка бўлган тоза интилишни уйғотувчи нозик топилмалар ҳақида сўз борар экан шоиранинг улкан истеъдод ва пок қалб соҳибаси бўлганига амин бўлади киши.
Халқаро Амир Темур хайрия жамоат фонди ахборот хизмати
