Куни кеча Қозоғистон Республикаси Чимкент шаҳарининг Сайрам ҳудудида Халқаро Амир Темур хайрия жамоат фондининг Қозоғистон бўлими раҳмари Икром Хошимжонов бошчилигида кенгаш аъзолари йиғилиши ўтказилди. Йиғилишда аъзолар янги бошланган йилда қилиниши керак бўлган ишлар режасини тузиб олишди. Шундан сўнг бир пиёла чой устида суҳбат ташкил қилиниб, Соҳибқирон Амир Темур ролини ижро этувчи Абубакир Хонхўжаев ўтган йилда бажарилган ишлар борасида кенгашга ҳисобот ва жорий йилда ўтказиладиган тадбирлар борасида ахборот берди. Янги йилнинг илк иш кунлари кўтаринки кайфиятда ҳамда ўзгача куч-ғайрат билан бошланиб, Икром Хошимжонов бошчилигидаги бўлим маъмурияти улкан ишлар ҳаракатига енг шимариб киришдилар.