Янги йилга янги режалар тузилди
Яқинда Самарқанд вилоятида Халқаро Амир Темур хайрия жамоат фонди вилоят бўлимининг раёсат йиғилиши бўлиб ўтди. Йиғилишни фонднинг вилоят бўлими раҳбари Қўзивой Мамарайимов олиб борди. Унда раёсат аъзолари ва шоир Баҳриддин Ҳамроқулов иштирок этишди.
Йиғилиш кун тартибига қуйидагилар қўйилди:
1) Самарқанд вилоятидаги Темурийшунос олимлар
альбомларини ташкил этиш;
2) Фонд раёсати аъзолари тавсияси билан Соҳибқирон Амир Темурга бағишланган китоблар ташкил этиш;
3) Шоир Баҳриддин Ҳамроқуловнинг «Темурнинг туғилиши», «Темурбекнинг севиб қолиши» шеърий тўпламларини муҳокама қилиш.
Шунингдек, иштирокчилар профессор Қ. Мамарайимовнинг ахборотини муҳокама қилишиб, жойларда ўтказилаётган тадбирлар Соҳибқирон ибратли ҳаётининг моҳиятини аҳоли онггига етказишда катта роль ўйнаётганини айтишди.
Яқинда олима Маҳкамой Турсунова Туркия давлатига боргани, у ерда Амир Темур ва Боязид Йилдирим шарафига ташкил этилган тадбирлар хусусида сўз юритилди. Ҳамда 2023 йилда Амир Темур меросини ўрганиш борасида қилиниши зарур бўлган режалар ўртага ташланиб, ечимлари муҳокама қилинди.
Халқаро Амир Темур хайрия жамоат фонди ахборот хизмати
