Тупроқ остида қолган «Барлослар мақбараси» топилди
Жорий йилнинг май-июнь ойларида Олий Мажлис ҳузуридаги Нодавлат нотижорат ташкилотлари ва фуқаролик жамияти бошқа институтларини қўллаб-қувватлаш жамоат фонди томонидан маъқулланган «Аждодлар мероси – маърифат зиёси» грант лойиҳаси асосида Халқаро Амир Темур хайрия жамоат фонди Яккабоғ туман муассасаси, Миллий археология маркази ҳамда Темурийлар тарихи давлат музейи билан ҳамкорликда Соҳибқирон бобомиз туғулиб ўсган маскан – Хўжа илғор қишлоғидан қарийб 3 км масофада жойлашган Учтепа ва Олақарға қишлоқлари орасида ўтказилган қазишма ишларида тупроққа кўмилиб кетган мақбара топилди.
Олимлар ушбу иншоотнинг қурилиш услуби, ишлатилган хомашёлари ва сочилиб ётган меъморий безак парчаларига кўра ХIV-XV асрларга оид «Барлослар мақбараси» деган хулосага келдилар.
Мутахассисларнинг фикрига кўра, ушбу мақбарада барлос бекларидан бирининг қабри жойлашган.
Халқаро Амир Темур хайрия жамоат фонди ахборот хизмати
