Халқаро Амир Темур хайрия жамоат фонди Тошкент вилоят  бўлими қошида  тарихчи олимлар, харбий хизматчилар ва  илм-фан фидоийларидан ташкил топган илмий кенгаш шакиллантирилган. Бугунги кунда ўндан ортиқ кўнгиллилар бўлим фаолиятини мувофиқлаштиришда – тадбирларни ўтказиш ҳамда ташкиллаштиришда,  Амир Темурнинг ҳаёти ва жанговар фаолиятини кенг тарғиб қилишда  яқиндан ёрдам кўрсатиб келади.  Илмий кенгашга аъзо бўлган Чирчиқ олий танк қўмондонлик мухандистлик билим юрти харбий хизматчилари,  илмий ходимлари бу борада алоҳида намуна кўрсатишмоқда.  Кейинги пайтларда уларнинг кўмагида бир нечта маънавий-маърифий тадбирлар ташкил этилди. Шундай тадбирлардан бири сифатида, куни кеча билим юртида ўқув машғулотларидан сўнг илмий кенгаш аъзолари ташаббуси билан  “Соҳибқирон Амир Темур – Буюк ватанпарвар сиймо” мавзусида бир нечта гурухларда маънавий-маърифий тадбирлар ташкил  этилди.

Гуманитар фанлар кафедраси  катта ўқитувчиси, доцент  Тохиржон Норметов курсантлар билан “Соҳибқирон Амир Темур – адолатли ҳукумдор, буюк саркарда мавзусида  маънавият соати ўтказмоқда.

Илмий кенгаш аъзоси, билим юрти Гуманитар фанлар кафедраси катта ўқитувчиси И.Муллажонов кўргазмали воситалар ёрдамида Амир Темурнинг ватанпарварлик фазилатлари ҳақида курсантларга маълумот бермоқда.

Билим юрти катта ўқитувчиси, подполковник В.Ражабов эса тадбир мавзусини Амир Темурнинг саркардалик маҳорати мавзусига бағишлади ҳамда унинг жасорати ҳақида  курсантларга гапириб берди.

Шунингдек, Фонднинг Тошкент вилояти бўлими фаолларидан бири бўлмиш Яхшимбекова Сайёра Камоловна илмий кенгаш аъзоси сифатида, ўзи бир неча йилдан буён Педагогика ва психология  кафедраси катта ўқитувчиси бўлиб ишлаб келаётган Алфраганус университети педагогик жамоаси ҳамда талабалар иштирокида куни кеча “Амир Темур – Буюк ватанпарвар сиймо” мавзусида маънавий-маърифий тадбир ўтказди.

Халқаро Амир Темур хайрия жамоат фонди ахборот хизмати