Куни кеча Қарши шаҳридаги ҳарбий қисмлардан бирида Халқаро Амир Темур хайрия жамоат фонди Қашқадарё вилоят бўлими ҳамда Ўзбекистон Ёзувчилар уюшмасининг вилоят бўлими ҳамкорлигида “Ватан остонадан бошланади” деб номланган маънавий-маърифий тадбир бўлиб ўтди.

Тадбирда Фонднинг вилоят бўлими раҳбари Ғулом Абдиев, Ўзбекистон Ёзувчилар уюшмасининг ҳудудий бўлими бош мутахассиси Элбой Қулмонов, Жануби-Ғарбий махсус ҳарбий округининг тарбиявий ва мафкуравий ишлар бўйича етакчи мутахассиси Тамара Маманова, ҳарбий қисмнинг маънавият ва маърифат маркази етакчи мутахассиси Дилсўз Мамадиева ҳамда бир гуруҳ ҳарбийлар иштирок этишди.

Йиғилишда Фонднинг ҳудудий бўлими раҳбари  Ғ. Абдиев ҳарбийларга она ватанни ҳимоя қилиш ҳар бир ватанпарвар инсон учун буюк шараф эканлиги, бу юлда буюк аждодларимиз хусусан Соҳибқирон бобомизнинг ватанга нисбатан бўлган муҳаббати ҳақида сўз юритиб,  тадбир қатнашчиларига  ватанпарварлик шеърларидан намуналар ўқиб берди.

Тадбир сўнгида ҳарбий тайёргарликдаги аскарлар »Темур тузуклари» дан тузилган қизиқарли саволларга жавоблар беришди. Йиғилиш  қизиқарли савол-жавоб ва мунозараларга бой бўлди.

Халқаро Амир Темур хайрия жамоат фонди ахборот хизмати