Қозоғистонда Амир Темур таваллудининг 687 йиллиги муносабати билан «Соҳибқирон қадамжолари» тадбири бошланди
Куни кеча Қозоғистон Республикаси Чимкент шаҳри Сайрам ҳудудидаги 109-мактабда Халқаро Амир Темур хайрия жамоат фонди Қозоғистон Республикаси бўлими томонидан «Санъат гулшанида сўз сеҳри» мавзусида адабий-бадиий кеча бўлиб ўтди.
Тадбирда мактаб маъмурияти, ўқувчилари ва Халқаро Амир Темур хайрия жамоат фондининг Қозоғистон Республикаси бўлими ходимларидан иборат бир неча юз кишилик томошабинлар ва тадбир ташкилотчилари иштирок этишди.
Шунингдек, Амир Темур таваллудининг 687 йиллиги муносабати билан «Соҳибқирон қадамжолари» номли тадбирга ҳам ушбу мактабда старт берилди.
Кечада Соҳибқирон сиймосини Абубакир Хонхўжаев ижро этиб, томошабинлар кўнглини хушнуд этувчи чиқишлар қилди.
Тадбир давомида мактаб директори Асқар Умаралиев, Тоҳиржон Каримқулов ҳамда Халқаро Амир Темур хайрия жамоат фондининг Қозоғистон Республикаси бўлими раҳбари Икром Хошимжоновлар маъруза қилиб, Соҳибриқон ҳаёт йўлига яна бир карра назар ташлашди.
Қатнашчилар учун янги маълумотларга бой бўлган ва саҳна кўринишларидан иборат бўлган ушбу тадбир эсда қоларли ва кўтаринки кайфият билан ўтказилди.
Халқаро Амир Темур хайрия жамоат фонди ахборот хизмати
