Навоий вилоятида “Жадидчилик мафкураси ва фаолиятлари” номли анжуман бўлиб ўтди
Куни кеча Навоий Давлат Педагогика Институтида Халқаро Амир Темур хайрия жамоат фонди Навоий вилоят бўлими фаоллиги асосида “Жадидчилик мафкураси ва фаолиятлари” номли йирик илмий анжуман бўлиб ўтди.
Анжуманда Фонднинг вилоят бўлими ҳодимлари, Навоий давлат Педагогика институти профессор ўқитувчилари, Бухоро Давлат Университети профессорлари, олийгоҳ талабалари ва меҳмонлардан иборат 500 дан ортиқ қатнашчи иштирок этишди.
Сўзга чиққан соҳанинг етакчи профессорлари хамда Бухоро Давлат Уриверситетининг таниқли олимлари мавзуга оид ўзларининг қизиқарли ва маълумотларга бой илмий маърузалари билан иштирок этдилар. Қизиқарли томони шундаки, АКШ нинг Мечиган университети профессори, таниқли олим Темурхўжа Косаўғлининг чиқишидаги жадидчи боболаримиз тўғрисидаги берган турли маълумотлари тингловчилар билимларини оширадиган, замонасига янги нафас олиб кирган бобларимиз фаолиятига теран назар ташлайдиган ва янада чуқур ўрганишга ундайдиган қизиқиш уйғотди.
Халқаро Амир Темур хайрия жамоат фонди ахборот хизмати
