Қирғизистонда Заҳириддин Муҳаммад Бобур таваллудининг 540 йиллиги нишонланди
Бутун Республикамиз бўйлаб Заҳириддин Муҳаммад Бобур ҳазратлари таваллудининг 540 йиллиги тантанали нишонланиб ўтилмоқда. Ушбу тантанали кун нафақат мамлакатимизда балки дунё миқёсида ҳам муносиб нишонланиб, турли тадбирлар ўтказилди. Шундай тадбирлардан бири куни кеча Халқаро Амир Темур хайрия жамоат фонди Қирғизистон Республикаси бўлими томонидан ўтказилди.
Ўш ўаҳрида жойлашган Т. Г. Шевченко номидаги 19 сонли мактабда Бобур ҳазратлари таваллудининг 540 йилигига бағишланган ижодий кеча бўлиб ўтди. Кечага мактаб ўқитувчилари, ўқувчилари ва Халқаро Амир Темур хайрия жамоат фонди Қирғизистон Республикаси бўлими ходимлари иштирок этишди.
Унда иштирокчилар ўз маҳоратларини кўрсатиб, буюк шоир қаламига мансуб шеър ва қўшиқлар ижро этишди. Шунингдек ўқувчилар томонидан тайёрланган, бобомиз ҳаётини ёритадиган саҳна кўринишлар намойиш этилди.
Ушбу кеча барчага манзур бўлиб, иштирокчиларда бобомиз ҳаёти ва ижодига доир бир талай қизиқишлар уйғотди.
Халқаро Амир Темур хайрия жамоат фонди ахборот хизмати
