Сурхондарёда «Алишер Навоий – шеърият султони» мавзусида йиғилиш бўлиб ўтди
Куни кеча Халқаро Амир Темур хайрия жамоат фонди Сурхондарё вилояти бўлими томонидан вилоятдаги Термиз темирйўл бирлашган шифохонасида «Алишер Навоий – шеърият султони» мавзусида йиғилиш бўлиб ўтди. Йиғилишда Фонднинг вилоят бўлими раҳбари И. Мадиев, Термиз темирйўл бирлашган шифохонаси бош шифокори Ч. Қурбонов, Б. Махматмуродов ҳамда шифохонанинг 107 нафар ходимлари иштирок этишди. Кечани очиб берган шифохона раҳбари Ч. Қурбонов йиғилганларни Мир Алишер Навоий таваллудининг 582 йиллиги табриклаб ўтди.
Сўнгра сўзга чиққан И. Мадиев йиғилганларга Навоий бобомизнинг ҳаёти ва ижоди ҳақида сўз юритиб, ўз даврида ўзбек адабиётига асос солиб, биринчи марта ўзбек тилида ижод қилган буюк мутафаккир шоир эканлиги ва Хусайн Бойқаронинг вазири бўлиб амалга оширган ишлари ҳақида маъруза қилди. Йиғилиш қатнашчлар учун турли қизиқ маълумотларга бой бўлди ва эсда қоларли тусда ўтказилди.
